GM meeqqat

Ukioq unammiffiusoq naggaserlungu unammisinneqarput U12, U14 aamma U16. Taakkua Ilulissani majip 27- aniit 28-at ilanngullungu ingerlanneqarput. tassungalu atatillungu sungiusaasunik pikkorissaasussaq Thomas Bondebjerg Dansk Volleyball Forbund-imiit tikisinneqarluni pikkorissaavoq. Naak pikkorissaaneq sivikikkaluartoq sungiusaasut pissarsiffingalungu unnersiorput. Ukioq mannalu unammersuaarnerit naammassimmata ima inissittoqarpoq:

Assit Allstarsit kiisalu dormmerit U12: Takuuk - Takukkit

_____________________________________________________________________________________o0o______________________________________________________________________________________________________________

Ukioq manna niviarsiaqqat Ilulissani GM-ernissaannut programmi ima isikkoqarpoq: Aajuk

Ulluni 27. aamma 28. maj 2017 Ilulissani nivissat niviarsiaqqallu pissartanngorniuunnissaat ingerlanneqassooq. Makkualu klubbit peqataatitaqalerput:

• AVI, Maniitsoq
• CIF-70, Qasigiannguit
• IVK, Ilulissat

Nivissat niviarsiaqqallu holdit isikkaneq-marluk (12) peqataatinneqassapput, taamaalillutillu unamminerit amerlanerit ingerlanneqarumaarlutik.Unammisaqattaarnerit tamarmik imminnut marloriarlutik unammissapput, unammisaqattaarnerillu naammasseriarpata pittaanerit marluk ajungaaniutivinnermut ingerlaqqissallutik. Unamminerillu tamarmik 25-imut  (point) ingerlanneqartassapput, sætte-llu pingajuat 15-imut. neriuppungullu Iluliarmiut isiginnaariarluarumaartut. 

Uani sapaatip akunnerata naanerani majip 23-aniit Pinsep aappaa 25. maj 2015 ilanngullungu Nuummi timersortarfimmi niviarsiaqqat U12 aamma U14 volleyball-timik unammersuaartinneqarput.

Niviarsiaqqani nukarlerni (U12) CIF-70 Qasigiannguaniit unammisatik tamaasa ajungaaffingalungit pissartanngorput, Ilulissaneersut IVK1 nr. 2-nngorlutik kiisalu IVK2 aamma Ilulissaneersut nr. 3-nngorlutik. Niviarsiaqqallu CIF-70 - meersut  ilaminnut sanilliullungit siuarsimaneroqaat imminuullu sungiusimaqalutik. IVK-miut aamma GSS-miut aattaat volleyball-timik sungiusarlutik aallartikkamik malunnarput suli ilinniangassaqalaartut.

Taakku nivissat uani unammersuaarnermi peqataasut Volleyball ingerlatiinnarunikku amerlasuut siunissarissaaqaat, tullianilu meeqqat unammersuaalerpata angajullerniittusaassalluik.

--- o ---

Niviarsiaqqani angajullerni (U14) AVI1 Maniitsumeersut aamma unammisatik tamaasa ajungaaffingalungit ukioq manna pissartanngorput, nr. 2-nngorpullu AVI2 aamma Maniitsumeersut, kiisalu nr. 3-tut inissipput CIF-70 Qasigiannguaneersut.  Nivissallu pittaassutsimikkut qaffasissusaat angajullernut alloriarnissaminnut piareersimapput, siunissamilu unammisartutut ineriartornerat malinnaaffigisallungu pissanganarput.

Unamminerit naammassimmata ima inissipput:

Mikinerni:                                                             Angajullerni:

Nr. 1 CIF-70, Qasigiannguaniit                           AVI1, Maniitsumiit

Nr. 2 IVK1, Ilulissaniit                                         AVI2, Maniitsumiit

Nr. 3 IVK2, Ilulissaniit                                         CIF-70, Qasigiannguaniit